İron iyən Tacikistoni əloğəonədə tojə fəsli bino bey.

İron iyən Tacikistoni prezident əmruj sıb de yande mulağat karde cərəyonədə bə 2 qılə milləti miyono bıə mıştərək din, mədəniyət və zıvoni işarə kardışone və umdəvu kardeşone ki de 2 qılə kişvəron rəsmi şəxson səy-cəhdon vositə 2 qılə kişvəri iğtisodi, mədəni və siyasi həmkarionədə tojə fəsl bino bıbu.

Bə İRNA raporti əsos, Doşənbə şəhrədə Sey İbrohim Rəisi və İmom Əli Rəhmani miyono bıə vindemoni cərəyonədə İroni prezident bə həmkarion inkişofiro hevujə zərfiyəton vucudi işarə kardışe və votışe: ın əloğəonədə inkişof karde bəzne reqional həmkarion mehvər və amil bıbu.

Rəisi izhorış karde: İron və Tacikistoni rəsmi şəxson bəpe de 2 tərəfi vindemon iyən votımonon, 2 qələ farsi zıvonə kişvəri miyono zumand iyən stabil əloğəon icod kon ta bə məntəğədə bıə qıləy simvoli unvan zıney bıbu.

Tacikistoni prezident İmom Əli Rəhman həm ın vindemonədə bə tacikiston səfər kardero çəy dəvəti ğəbuk kardey bə təğdiri loiğ bə hisobış varde və rəisiku təşəkkur kardışe.

Əv bə Tacikistonədə İronıjon xidmət və koon sabiğə işarə və izhorış karde: 2 qılə millət iyən dıvvləton miyono bıə məhəbbət iyən dustiyəti bo həmkarion çimi sə əlovə ziyod beyro vey çokə şərayeti icod kardeydə.