Azərbaycan Respublikaku Huseyni zairon i minnə kərvon bə İraği tərəf vığandey bəben.
Sep 20, 2021 10:13 Asia/Tehran
Azərbaycan Respublikaədə Əhli-Beyti aşiğon bo Ərbəine Huseyni mərosimədə iştirokiro bə Kərbəlo vığandey bəben.
Bə Bukoku rəsə xəbon əsosi, de İmom Huseyn(ə)-i şəhodətə əyyomi dəme həmzəman, Azərbaycan Respublikaku bə Əhli-Beyt iyən viloyəti aşiğon de 7 qılə kərvoni bə İrağ vığandey bəben ta ıştə eşğ və irodəti bə şəhidon sərvər və əğə nışo bıdən.
Imsor zairon fəğət de təyyorə vositə bə İrağ vığandey bəben və bo ın ko 7 qılə pəre nəzər dəğətə bəy.
Azərbaycan Respublikaku har sor 20 həzo zair bə Ərbəine Huseyni mərosimi vığandey bəben ki bə Koronavirusi məhdudiyəton xoto zairon səhmiyə miğdor kam bıə.