Çı məntəğə behronon amil sionist rejime.
Azərbaycan Respublika dini cəmiyəti lider ın kişvərədə bıə bəzi anti islom hərəkəton plani əkəşon və amilon səy-cəhdon ki Tehron-Buko miyono əloğəonədə problem eğande fikədən betəsir iyən botil bə hisobış varde.
Bə Musavat TV raporti əsos, Hoci İlğor İbrohim Oğlo votışe: Azərbaycan Respublika millət, 70 sor çı kumunizm be dinə hakımiyəti jintonədə həm islomi oqətşone və hiç ğıvvə ım kişvəri millətiku islomi əqət ni.
İbrohim Oğlo sosiyal şəbəkəonədə bə Azərbaycan Respublika dindaron fişar-təziğon ki ın kişvər və İroni miyono bıə əloğəonədə problem eğandero əncom bıdə səhvə hərəkət zınəş be və əlovəş karde: lozime ki bo məsələ həlliro tədbir bıbu ta dışmon mıvcudə şərayetiku sui istifodə nıko.
Azərbaycan Respublika dini cəmiyəti lider bə sionist rejimi iminnə vəziri anti İron sohbəton işarəş karde və votışe: ın rejim bə anti İron təhdidon əməl karde zuş ni.
Tojədən Azərbaycan Respublika prezident İlham Əliyev, qıləy stajış nıbıə əcibə sıhbəton çərçivədə iyən Ermənistoni əvəzi İronış bənə tojə xarıci dışmoni unvan elanış karde.
Jığonə beməxə sıhbəton ijən sionist rejimi tərəfo çoknə Azərbaycan Respublika diplomaton bə dast dənoe və Boku dıvlətədə ın rejimi nıfuzi nışoş do.
