İroni sərhəddi ətrofədə sionist pesoxtə bıə rejimi iştirok tov vardənin ni.

İroni xarıci vəzir votışe: məntəğə sərhəddi vəziyəti əvəz karde İroni tərəfo ğəbul kardənin ni iyən İron hiç faxt ıştə sərhəddon ətrofədə sionist pesoxtə bıə rejimi iştiroki ğəbul nibəkarde.

Bə Fars aqentiyəti raporti əsos, Huseyn Əmirəbdullahiyan zinə İroni televeziya 1 kanalədə bə İron iyən Azərbaycan Respublika miyono icod bıə şərayeti işarəş karde ki de sioniston və terroriston vositə bo 2 qılə kişvəri əloğəonədə problem eğandeyro təğbib bıdə, və votışe: İron de həssosiyəti iyən zumandəti Azərbaycan Respublika şərayeti təğib kardeydə iyən eyni holədə bəştə hamsuyəon həm dustanə cəhəto diyə kardeydə.

İroni xarıci bə Ğərəboği ozod karde canqi cərəyonədə çandə terrorçi bə məntəğə varid beyku xəbəş do ki siyonist rejim ım şərayetiku sui-istifodə kardeış pidə.

Əv əlovəş karde: İron həmonə faxti həm siyasi, həm hərbi və həm əmniyəti cəhəto məntəğədə terroriston ıştiroki barədə ıştə niqəronəti elanış karde və bə Azərbaycan Respublika rəsmi şəxson xətob votışe ki 2qılə kişvəri miyono əloğəon inkişof və Ğərəboği işğal bıə ərazi ozodəti məsələonku sıvoy, İron ıştə sərhəddi ətrofədə sionist rejimi iştiroki tov nibəvarde və məntəğə qeopolotik şərayeti əvəz karde həm tov vardənin ni.

İroni xarıci vəzir dəvomədə İronış çı Azərbaycan Respublika yolə hamsuyə bə hisobış varde və təkid kardışe ki Tehron vey niqərone ki sionist rejim iyən terroriston bo Boku dıvləti təhdidon bois bıbun.

Əv bə ərəbə kişvəron əcumlə iyən sionist rjimi miyo əloğəon adi və normal bey prossesi dəvomi həm işarəş karde və votışe: Bəhreyni hakimon, dıştə milləti əloğə icod kardey əvəzi de qıləy pesoxtə bıə ğeyri ğanuni rejimi həmkarəti karde holədən.

İroni xarıci vəzir təkidış karde ki ın rejimi barədə İroni siyasəton oşkorin və hukmən sionist rejim məntəğə taleədə vırəş ni.