Ğərəboğədə ədoləti hakim bey barədə Əliyevi iddio.
Azərbaycan Respublika prezident iddioş karde ki Ğərəboği tojə 44 rujə canq bois bıə ki ın məntəğədə ədolət icra bıbu.
Bə İsna raporti əsos, Azərbaycan Respublika prezident İlhom Əliyev Boku 8-ə beynəl xalğ iclosədə votışe: Azərbaycan Respublika əmələdə ve de ın canqi çı Əmniyət Şura qırd ğətnoməon ki 27 sor koğəzi səpe mandə be tam icraş kardə.
Azərbaycan Respublika prezident Ğərəboği 2 minnə muharibə bino bey barədə həm iddioş karde ki canq de Ermənistoni xərab karanə və təhrik omizə rəftori bino bıə boçi ki i minnə ğıbon bıə kəson və tələfot çı Azərbaycan Respublika hərbion cəmədə be.
Dəvardə sori Oktiyabrə manqədə Azərbaycan Respublika vey hevuj iyən həmmə tərəfinə əməliyati bo Ğərəboği məntəğəku Ermənion xaric karde və işğal bıə ərazi ozodəti xoto bino kardışone.
Azərbaycan Respublika 44 ruj canqi bəpeşt muvəffəğ bıə təğribən 3500 kilomiter çı Ğərəboği ərazi əcumlə 132 kilomiter çı İroni sərhəd nezi məntəğon ozod ko.
