Əliyevi de Paşinyani Əbu-Dəbi didor

İyuli 10-də Erməniston Respublika Sər Vəzir Nikol Paşinyan iyən Azərboycon Respublika Prezident İlham Əliyevi İƏƏ Əbu-Dəbi şəhərədə vindemon kardəşone

Əliyevi de Paşinyani Əbu-Dəbi didorİyuli 10-də Erməniston Respublika Sər Vəzir Nikol Paşinyan iyən Azərboycon Respublika Prezident İlham Əliyevi İƏƏ Əbu-Dəbi şəhərədə vindemon kardəşone. De rəsmi doə məlumoton, çe didori əsos məsəlonədə qılıən Azərboyconiku bə Naxçivon de Ermənistoni ərozi Zənqəzur koridor bə. Qirəm ın koridori məsələdə roziəti bə dast vardə bıbo ım iqlə Azərboyconiku bə Naxçıvon ne, həmən bə Tırkiyə de Azərboyconi, Kaspi dıyo bə Miyonə Asiya rohət ovaşte imkon bədo. Azərboycon-Tırkiyə tandem ın koridorış bə ıştə nəzorət se pidə, intasi hələ ki Erməniston bımi roziəti dodəni. Vindemon sıftə de dı keşvəri nımoyəndon iştoroki, peşoən Əliyevi de Paşinyani miyonədə tet-atet formatədə dəvardə. Nav vındemoni Tırkiyə prezident Pəcəb Təyib Ərdoğəni bəyonış kardə be ki, Zənqəzur koridor bo Tırkiyə strateji əhəmiyətine. Çın eçınon peşto de Londoni asparde Tırkiyə mande oşko vində bedə. Hələ 2021-minə sori Əliyevi ER ın ərozo çe tırkon dədə-bobo zəmin be bəyon kardəş be, ımrujən ın fikon dəvom kardedə. Koridori oj be həm İroni roy bıridə, həm Rusiyə çe məntəğəku tojniye rə bəka, Şimol- Cənub, Piterburqiku bə Çobahar roziəti omə marşruti dəbarışte, həmən vəy oməyonədə Miyonə Asiya tosbone ro hərbi sursoton kırniye ro qətə eçıne. İİR de RF mıttəfiğin, deşmeni de Əliyev-Paşinyan dueti dasti bə jimon dəvonəyon vəy bəste. Oxonə fəxton Azərboyconi de RF, de London-Ankara aspardəyon mınəsibəton tosboneyonən bə ımi xıdmət kardedə.