Dindorə məhbus xəsorətjə bə
Holiədə 7 numrəninə cəzokəşə muəssisədə oğətə bə dindorə məhbus Yusif Mirzəyev muəssisə koəkon tərəfo xəsorətje barədə əçe əvlodon məlumot pevolo kardəşone.
Epilepsiya noxəşin bə Yusif Mirzəyev navədən çandi-çand kərə zindonədə səyku xərasotjə bə.De əvlodon votəy əv İyuni 20-də Kurdəxani muəssisəku bə 7 numrəninə zindon ovoştonə bə və hojə həmonə ruji əyo bərk kuə bə. 4 ruji bədiqə de Yusif Mirzəyevi didor karde piyə vəkil bə həndəvər vadoə bə ni.Əvon de ın koy band bə Ombudsman Aparataı və Penitensiar Xıdməti ovardonən, cavob se nızne bəyon kardəşone. Əvlodon votedən ki, Mirzəyev de noxəşəti anqıl har ruj dəmon ğəbul kardəni, əmmo həmonə dəmonon bə əy ona rosniyə bedənin və Yusif Mirzəyevi karantin mıddət orəxoən əv bə dumo oqordonə bə ni.Yusif Mirzəyev 2023-minə sori aprelə manqi 19-də qətə bə və sıftə, de kulli miğdarədə narkotik oğəte maddə ittihom bə. Manqi bədiqə 1 numrəninə Boku İstintoğ Təcridxonəku bə Devlət Əmniyyətə Xıdmət təcridxonə ovoştonə bə və tosə həmonə sori dekabri əyo oğətə bə.Çəyo-bəçəton Mirzəyevi ittihom maddə təğyir kardə bə. Əv, Cinoyət Məcəllə 6 qılə maddə ittihom kardə və2025-minə sori iyunədə 15 sor 6 manq mıddət ozodətiku məhrum kardə bə.
