İron və Azərbaycan Respublika həmkarionədə tojə fəsl bino bıə.

İroni xarıci vəzir İron və Azərbaycan Respublika əloğəon miyono tojə fəsli bino beyku xəbəş do ki de həmkarəti tojə roon vositə icod bıdə.

Bə İRNA raporti əsos, İroni xarıci vəzir Huseyn Əmirəbdullahiyan ıştə tojə Tvitter mesajədə ğeydış karde: bə Buko səfər karde cərəyonədə bo həmkarəti tojə fəsliro təvafuğ bıə iyən de İlhom Əliyevi muzakironədə taleədə həmkarion roy oj və oşko bıə.

Əmir Əbdullahiyan əlovəş karde: de Azərbaycan Respublika xarıci vəzir iyən milli məclesi yol vindemoni cərəyonədə çokə muzakiron əncom bıə iyən əzizə İronıjon cəmədə həm ki səfəri komilış karde çı İroni hamsuyəti dutiyə əloğə və muhimmə məsələon işorə bıə.

İroni xarıci vəzir dəvardə haftə bə Azərbaycan Respublika kişvər səfərış kardə be ki həminə i rujə səfəri çərçivədə de Azərbaycan Respublika  milli məclesi yol xarıci vəzir və prezidenti videmon iyən muzakirə. karde.