Boku mediyaonədə bıə ğilo-ğalon barədə İroni xarıci vəzarətxonə reaksiya.

Bokuədə İroni səfarətxonə Azərbaycan Respublika kişvərədə bə İroni əleyh tojə ğilo-ğalon məxsusən çın kişvəri mediyaonədə ğeyd bıə iddiyaon barədə elanış kardə: İronofobiya tərəfdaron və ğıvvon ujnən İron və Azərbaycan Respublika miyono çokə rabitəon xərob kardero ıştə səy və nosəhihə hərəkəton binoşon kardə.

Bə İrib raporti əsos ım bəyaniyədə ğeyd be: ım ki İroni diplomat Azərbaycan Respublika qıləy partiya uzvon mıloğatış kardə vey şəffafə məsələy ki vey addi sorətədə əncom be ijən beillət bənə qıləy sujıt mediyaonədə pıvolo be.

 Bokuədə İroni səfarətxonə təkidış karde: jığo mıloğaton qıləy holədə əncon bıdə ki co kişvəron diplomaton mıloğaton barədə əv həm de muxtəlif partiya və qrupon barədə hiç curnə reaksiyaon bə çəş omeydə ni və məvuji qıləy addiyə ko heste.

Im bəyoniyədə həmçınin omə ki:  Bokuədə de muxtəlifə partiyaon İroni diplomaton mıloğat karde bə 2 qılə kişvəri dustanə həmkarion əleyh ni və İroni səfarətxonə pidəşe bə çəy əleyh bəyon bıə iddio və ittehamon ğanuni cəhətiku təğib və çəy barədə təhğiğ bıkə.

 Bokuədə İroni səfarətxonə təsdiğış karde ki: İron və Azərbaycan Respublika miyono həmkarion de 2 qılə kişvəri rəsmion iradəon bərobər bə na hərəkət kardedə və co kişvəron karde nibəznın ım cərəyonədə problımon icod bıkən.

İroni səfarətxonə həçınin çı Azərbaycan Respublika mediyaonku tələbış karde ki bəştə vəzifəon 2 qılə kişvəri mənafə cəhətədə əməl bıkən.