Ğərəboğədə insoniyə faciyə vəy qəte lozime.
Bəşər həxon diyə əkə təşkilot Ğərəboğədə insonə faciyə vəy qətero rə ciddi koon əncom doe tələbış karde.
Bə Erməni Rədio raporti əsos, bəşər həxon təşkilotədə bıə Avropa Mərkəzi Asiya baxşi mudir votışe ki bə qazi ğət bey xoto çı Ğərəboği məntəğə əholi 2 haftə bəbe ki bevəcə behroni təcrubə kardeydən.
Qeorqi Quqiya əlovəş karde: ısət və qazi ğət bey nəticədə Ğərəboğədə nun pate imkon ni və nuni nerəse behron ciddi bıə.
bəşər həxon təşkilotədə bıə Avropa Mərkəzi Asiya baxşi mudir ijən votışe: elmi və təlim baxşədə həm sardə həvosəti kənoədə qazi ğət bey veyə məhdudiyəton biois bıə, çən Ğərəboğədə insonə faciyə vəy qətero bəbe rə ciddi koon əncom bıbu.
Əv təmas xətədə və Erməni_azəri mınoğişə ijən şiddətin bey barədə notaş do və votışe: əqə ın ko cəmaəti avarə kardeyro əncom bey holədəy bəpe bənə qıləy anti bəşər həxon məsələ məhkum və təğib bıbu.
Miladi 2020 minnə sori Oktiyabrə manqədə Azərbaycan Respublika vey hevuj iyən həmmə tərəfinə əməliyati bo Ğərəboği məntəğəku Ermənion xaric karde və işğal bıə ərazi ozodəti xoto bino kardışone.
Azərbaycan Respublika 44 ruj canqi bəpeşt muvəffəğ bıə təğribən 3500 kilomiter çı Ğərəboği ərazi əcumlə 132 kilomiter çı İroni sərhəd nezi məntəğon ozod ko.
