Ali Məğaminə Rəhbəri Aşura şəvi mərosimədə iştiroki beynəlxalğə inikas

Ali Məğaminə Rəhbəri Aşura şəvi mərosimədə iştiroki beynəlxalğə inikas

Ali Məğaminə Rəhbəri Aşura şəvi mərosimədə iştiroki beynəlxalğə inikas

İron İslom Respublikə Yolə Rəhbər Həzrət Ayətullah Seyd Əli Xameneyi çe İmom Xomeyni (r.ə) Huseyniyyədə bo İmom Huseyni(ə) xoto Aşura şəvi əzodorəti mərosimədə iştiroki Amerkə medyaədə əks-sədoş pəydo kardə.Amerkə xəbə aqentəti Associated Press bumiyə vaxtədə şanbə ruji şəvi zəmonədə nıvıştəşe:İroni Ali Rəhbər çe İron İslom Respublikə de sehyonist rejimi miyono 12 rujnə canqi bəpeştə iminə kərə Aşura şəvi əzodorəti mərosimədə oşkoə şikilədə iştirokış kardə.ım metəbərə Amerkə medya əlovəş kardə:İroni devlətə televiziya çe İroni Ali Rəhbəri ın təsvironış  pevolo kardə ki,Ə həzrət əyo bə camaati sloqan və şuoron de dast oşandey cəvob doey vindey beydə.Amerkə medya bın mərosimədə çe İron İslom Respublikə diqər co barzə səviyyəynə rəsmiyon həm iştirokış ğeyd kardə.

 Ərəbi medyaədə İnğılobi Yolə Rəhbəri İmom Xomeyni (r.ə) Huseyniyyədə iştirokışon hovujə şikilədə inikasışon kardə

İslomi İnğılobi Yolə Rəhbəri Ayətullah Xameneyi şanbə ruji şəvi zəmonədə çe İmom Xomeyni (r.ə) Huseyniyyədə bo İmom Huseyni(ə) xoto Aşura şəvi əzodorəti mərosimədə iştirok,çe reqiyoni ərəbə medya tərəfiku hovujə şikilədə inikas kardey bıə.Bəzi reqiyonalə televiziya kanalon,ə cumlə həm: Al Jazeera Qatar,Al Nujabaa Iraq, Beirut News,Independent Arabic və Al Mayadeen,bə dışmenon təhdidon rəğmən,çe İron İslom Respublikə Yolə Rəhbəri Aşura şəvi əzodorəti mərosimədə iştiroki təsviron pevolo kardero ıştə proqramonışon oqətə və de təcili xəbə bə ın məsələşon işorə kardə və əlovəşon kardə:Ayətullah Əli Xameneyi çandə haftə bədiqə iminə kərə dini mərosimədə iştirokış kardə.