Fransə prezidenti sıxanon vədə Azərbaycan Respublika reaksiya

Azərbaycan Respublika parlamentədə beynəlxalğə əlağon komitə rəis bə fransə prezidenti iddeya yəni ğərəbağədə sakin bıə şəhrvandon tərəfiku ıştə tale təin karde həxi barədə etirazış karde.

Bə Trend aqentəti  zinə xəbon əsosi Azərbaycan Respublika parlamntədə beynəlxalğə əlağon komitə rəis Səməd Seyedov bə Fransə president Fransva Oland  fransədə bıə erməniyə təşkilaton iyən diyaspora şura uzvon tojə vindımonədə bəyon kardə sıxanon həxədə işarəş karde və votışe: Olandı hədəf ım məmləkətdə omə rujonədə bə vıjnımonədə fransədə bıə erməniyon sədo cəlb kardey.

Fransə president ım vindımonədə votəş be Paris bənə Minsk qrupi rəisonku qıleni Ğərəbaği munağişə həl karde vədə məsuliyətış heste və ım munağişə həl kardeyu ıştə fəaliyyəti  ve bəkay.

Oland votəş be  Madridı təvafuğnamə icra karde bəpeştə Ğərəbaği erməniyon muxtar respublikaədə ıştə tale təin karde həxışon heste.

Səməd Seyedov həm olandı sıxanon vədə votışe: Parisı rəsmi şəxson bəpe ıştə səhovku xəbədo bıbon ta çimisə ve bə  Fransə be etıbor be komək nıkən.

Səməd Seyedov həmçinin votışe: ne fəğət Minsk qrupi fransəvıjə rəisi siyasət bəlkə çı qrupi həmmə rəison siyasəton və bə Ğərəbaği muvzo əhəmmiyyət nıvoe Boku devlətiyu oşko bəy.