Nardarani hadisə məhbuson məhkəmədə hakimi vəkilon hiç qıley vəsadət təmin nıkardışe

Haci Zulfiğar Mikayılzadə və çey 11 nəfər həmməsləkon muhakimə Boku Qonə Cinayəton Məhkəmədə fevrali 6- minə ruji dəvom kardəşe. "İslamazəri.az" bə Meydan TV istinadən xəbə dodə ki, vəkilon məhkəməku bə məhbuson cinayət təğibi xitam doe, çəvon həbsi de kə dustəğəti əvəz karde, əlavə sohidon bə məhkəmə dəvət karde xahiş kardəşone.

Məhbusonən istintaği vaxti bəvon qonə işqəncon doe, de şantaji bəvon bə ittihamnamə ğol kəşe məcbur karde votəşone. Məhbus Ruzi İsmayılovi ğeyd karəşe ki, "çımı telefonədə bə qıley şəkili qorə mıni de İroni əlağədə ittiham kardedən, ki quya az telefonədə çe imom Xomeyni şikili novnidəm. Vəhalinən ım şəkil çe A. Paşazadə muavini şikile. Hakimi ım vəsadəton hiç qıley təmin kardəş ni. Məhkəmə dəvom bə fevrali 13-ə təyin kardəşone.

Bı rujonədə Bə Dini Təşkilaton dair Devlətə Komitə şebə müdir Əliheydər Zulfiğarovi de "Fatimeyi-Zəhra" məçiti əlağədar votəşe ki, ım məçit de 25 sot zəmini bə Ğəfğaz Mısılmonon İdarə sərəncom obəvoştonen. Im idarə  çey inşa bə orəx bərosnie. Məçiti oçınie barədə qəpon beəsasin. Vəkil Cavad Cavadovi isə "Fatimeyi- Zəhra" məçiti ərazi çeyku se bə Az.R Konstitusiya zidd qıley əməl hisob kardəşe.

Fevrali 8-ədə Sverdlovsk vilayəti Arbitraj Məhkəmə çe Yekaterinburğ şəhəri "14 mənsum" dini təşkilati şikayət təmin kardəşe, çəvon inşa kardə məçiti 2008 kv.metr zəmin çe məçiti sərəncomədə oqətəşe. Şəhəri meriya həmonə zəmin çe məcitiku se barədə iddia ros kardəşbe. Arbitraj Mənkəmə ım mubahisə de ədaləti həll kardəşe.

Əmo Şion ıştə vətən Az.R -ədə daima de nohəxəti və beədaləti vəbəvə mande mütəəssifanə qıley fakte.