Ğərəboğ məntəğədə qıləy Erməniyə hərbiyə qrupi fəaliyəton vəy qətə be.

Azərbaycan Respublika mudafiə vəzarətxanə elanış karde ki sərhədədə qıləy Erməniyə qrupi xərobəkə hərbiyə fəaliyəton və əməliyaton vəy qəte be.

Bə İroni İrib raporti əsos ım hərbiyə qrup çımiku bənvav ki məntəğədə ıştə əməliyaton əncon bıdə peydo və çəy fəaliyəton vəy qəte be.

Azərbaycan Respublika mudafiə vəzarətxanə həmçınin sərhədi kamilən kontrol kardeku xəbəş do və hətto elan be ki ım əməliyati barəde kəşə filmon həm muntəşir bıə.

Im çand minə kərəe ki dəvardə rujunədə Azərbaycan Respublika mudafiə vəzarətxanə xət cəbhədə Erməniyə qrupon məğlub karde barde xəbəon pevılo kardedə.

Çımiku bənav əmmo ım vəzarətxanə Ğərəboğ məntəğədə qıləy Azəriyə əsqəri de Erməniyəon hucumi vasitə kışteku xəbə doe be.

Çı Terend aqentiyəti ım xəbədə ğeyd bıə ki Erməniston ujnən dəvardə rujunədə çand kərə sərhədədə otəş basti ləğvış kardə və ıştə əməliyatonədə qonə silohon və qulləonku istifodə kardeydə.