Boku iddioş kardə: de Ermənistoni vositə, Ğərəboği nezə məntəğəonədə ğullə ğandə bıə

Aərbaycan Respublika iddoş kardə ki Ermənistoni vositə, Ğərəboği nezə məntəğəonədə ğullə ğandə bıə.

Bə Fars aqentiyəti raporti əsos, zinə şəv Aərbaycan Respublika dıvlət, iddioş kardə ki Ğərəboği bandiyə məntəğə nezədə, de Ermənistoni vositə qullə ğandə bıə.

Aərbaycan Respublika mudafiə vəzarətxonə elanış karde ki Erməniston de artilleriyə otəşi vositə, bə Ğərəboği ğərbi Laçin və Kəlbcer məntəğəonədə bə hərbion həmlə kardey bəpeşt, Aərbaycan Respublika həm bə ım həmlə cəvobış do.

Qıləy holədə ki Ermənistoni mudafiə vəzarətxonə, qıləy bəyoniyə ğolibədə Buko iddio rədış kardə be. Ermənistoni mudafiə vəzarətxonə ıştə bəyoniyədə ijən əlovəş do: Erməniston və Aərbaycan Respublika marzədə vəziyət stabil, iyən Ermənistoni hərbion kontrolədə ğərorış qətə.

Ğərəboğədə Azərbaycon Respublika iyən Ermənistoni miyono tojə dıvrə daveon dəvardə sori Sentiyabrə manqi 27 ku bino bıə be ki oxoy sə 2020-ə sori Noyabri 10 Rusiyə, Azərbaycan Respublika iyən Erməniston ım dıvrə canqi səkardeyro qıləy mıştərək sazışi imzo kardışone.

Həminə sazişədə sıvoy canqi sə karde, bə humanitar məsələon iyən əsiron və cənazəon vırə bə vırə kardey təkid bıə iyan ğeyd be ki Rusiyə sulhmərominə ğıvvon təmas və dave xəttədə sulhi təmin bəkan.

Ğeyd kardənine ki Ğərəboği muxtəlif baxşon əmniyəti təmin karde tosə 5 sor bə Rusiyə sulhbanon qi haştə bəy, peşo bəzi məntəğəon tale barədə ğərolon təin bəbe.