İronədə bo nizomi əvəz kardeyo seonist rejimi nokomə cəhd

Əlcəzirə telviziya şəbəkə veb sayt qıləy raportdəde İroni canqədə seonist rejimi məğlub bıe işorə kardey nıvıştışe ki, İronədə nə nizomi əvəz be və nə atom bərnomə nav qətə be.

İnqilisi Əlcəzirə veb sayt de seonist rejimi 1minə vəzir "Benyamin Netanyahu" dəvardə rujon sıxənon bə yod vardey ki, votəşbe ın rejim bə İroni mevğeyon ıştə həmləonədə bə ıştə hədəf rəsə, nıvıştışe ki, ın hucumonku bə nav seonist rejim elonış kardə be ki, ın canqış İronədə de İroni Atom bərnoməon və nizomi əvəz kardey hədəfi binoş kardə, qıləy holədə ki, 12 ruj dəvardey bəpeştə heç qılə ın 2qılə hədəfiku bə nəticə nırəse.