General-mayor Səfəvi:Dışmen çe İroni mıdofiyə ğabiliyyətış zəyif kardey nızıne

Pars Tudey-Silohinə Ğıvvon Ali Komandani koməkçi və sər məsləhətçi bə İroni ələyh de oxonə muhoribə anqıl bəyonış kardə:Amerkə və seonist rejim bə ın canq bo İslomi Respublikə zəyif kardey,daxili ibemoni darıştey və reqiyoni mıodiləon əvəz kardey məğsədi daxil bin,lakin bəştə məğsədon rəsey nızınin.

Pars Tudey bə İran Tele-Rədyo Aqentəti istinodən doə məlumoti əsos,qeneral-mayor Seyd Yəhya Rəhim Səfəvi Amerkə və seonist rejimi bə İroni hərbi hucum və İnğılobi Lideri şəhid kardey çe dışmeni həmməysə yolə strateji səhv hisob kardə holədə votəşe:Dışmen nəyinki məğsədon rəsey nızıne,həmən ın hərəkət milli ibemonış zumand karde və İroni milləti həmrayəriş ziyod karde.Əy təkidış kardə:Milli ibemon,bə lideri dastək və daxili zu zumand kardey bo muharibə şərayiti ehdəku omeyro həmməysə vocibə tələbonin.Silohinə Ğıvvon Ali Sər Komandani koməkçi və sər mışovir bə inğılobi şəhidə lideri təşyi mərosimədə xalği veyə rəğəmədə bıə iştiroki işorə kardə holədə,ın mərosimış mıosirə torıxi həmməysə dıjdə iştimoyi cəmbemonku qıləyniş hisob kardə və əlovəş kardə:İroni xalği Tehron,Ğum,Məşhəd,Nəcəf və Kərbəloədə veyə rəğəmədə bıə iştirok çe milləti de İslomi İnğılobi ideyalon bıə nığılə rabitə təzahur be və ımi dınyo medyaədə hevujə əks-sədoş doe.Qeneral-mayor Səfəvi əlovəş kardə:In iştirok İslomi İnğılobi sosyal kapitali hələm həm conin bey və çı dışmeni psixoloji əməliyyoton və təzyiğon bo ın rabitəon zəyif kardey nızıneyış nışon doe.