Fələstinıjon zeytunə doon dızdiye çıcurə bə qıləy “diniyə fəzilət” təbdil bıə?
Bə Anadoli xəbə mərkəzi raporti əsos, israyili nıfuzinə Xaxam "Dove Liver", Fələstinıjon sərzəminiku zeytunə do dızdiyeş ğəbul bənin və hətto de Xıdo rizayəti bə ico bıə ko zıniyəşe.
Əv iddiyo kardə ki, ın hərəkət bə Fələstinıjon ərazi yəhudiyon malekiyəti hevuj kardeyo hərəkəti komək bəkay.
Liver israyili rostə partiya məzhəbiyə cərəyoni təsir bınə şəxsiyətonku bə hisob omedə.In diniyə hıkm qıləy holədə sadir bedə ki, Fələstinıjon boğonədə israyili işğal sukunəti jəğo dəvomış heste.
2025 minə sori oktyabrə manqi İbıə milləton təşkilot 260 qıləsə vey hucumış İordan ru ğərbiyə sahilədə de israyili işğali vositə ğeydış kardə.
In hucumon bə doon xərobə kardey, məhsulon dızdiye, fermeron jəkoe və çəvon pəson dızdiye şomil bıə.
Oxonə raporton həm bimiku hikoyət kardə ki 2026 minə sori oktyabrədə zeytuni boğon otəş jə bin və bə fermeron hucum be.
