İslomi İnğılobi Ali Rəhbər Həzrət Ayətullah Seyd Mıştəbo Huseyni təbrikə mesaj

İslomi İnğılobi Ali Rəhbər Həzrət Ayətullah Seyd Mıştəbo Huseyni bə tosə 23 sinni bıə ozodə milli dəçıke komanda dınyo çempiyonatədə kəsb kardə ğələbə mınosibəti təbrikə mesajədə təkidış kardə:Iştə vey xeyə dıvon bo İroni qırd ğururinə cıvonon vığandedəm.

İnğılobi Rəhbəri mesaji mətn jıləvoniye:De Rəhmon iyən Rəhimə Xıdo nomi!Im iftixor ofəyə ğıryətinə ğəhrəmonon,səy kardə məşğçiyon və həmmə İroni xalği de AİŞ-ədə bərpo bıə Beynəlxalğə Umuon Dınyo Keşonədə tosə 23 sinni bıə milli kışti qətey komanda səbarzəti mınosibəti təbrik kardedəm. Vətəni cıvonon dəvəşəti,çe İroni şevğənqizə pərçəmi ləpə jey və İslomi Respublikə devlətə himni mıxtəlifə stadiyononədə bə quşon rəsey çe milləti vavriski doə iyən şərəfinə ayəndə bə həyğət rəsey royədə bıə cıvonon umuon dəvəşeye. Bo İroni həmmə cıvonon ıştə vey xoşə oruzuon rosneydəm.bə ın əzizon,məxsusən bə İroni səbarzə milləti iftixor ofəyə çempiyonə cıvonə nəsli təbrik votedəm.Seyyid Mıştəbo Huseyni Xameneyi 15/Mehr/1405