Nıştəco Voleybol sahədə Dınyo Çempiyonat;İron 3 Bosniya 1
Pars Tudey-İroni nıştəco voleybol komanda dınyo çempiyonati dıminə qrup matçəda ənənəvi rəğibış bıə Bosniya və Herseqovinaş de 3-1 hisobi məğlubış karde.
Pars Tudey bə IRNA istinodən doə məlumoti əsos,Nıştəco Voleybol sahədə Dınyo Çempiyonat çı Çini Hançjou şəhrədə dəvordıney be.Im turnir 2028-ə sori bə Los-Anceles Paralimpiya Hənəkon səçıni mərhələ hisob kardey beydə və iminə 2 qılə komanda bə Paralimpiya Hənəkon bəşe. İroni komanda dınyo çempiyonati 4-ə qrupədə de Bosniya və Herseqovina,Polşa və Yaponiya komandaon bə ico be.İron iyən Bosniya nıştəco voleybol komandaon bın turnirədə bə çempiyonəti əsosə iddiyoçiyon hisob beydən və ın matç qrup mərhələ həmməysə həyəconinə hənəkonku qıləyni be. İron iyən Bosniya dıqlə komanda çın matçi iminə hissəsədə saxtə rəğobətışon barde və ın duel nəhoyətən bə Bosniya nıştəco voleybol milli komanda xeyri 26-24 hisobi bə oxo rəse.Hadi Rezayi tələbəon dıminə setədə dəvəşə formədə oqardin və de həmməysə barzə performansi ıştə ənənəvi rəğibışon de 25-21 hisobi məğlubış karde.Bosniya nıştəco voleybol komanda həm seminə setədə həm de İroni komanda çətinə rəğobətış barde,lakin oxoyədə ın set bə Hadi Rezayi şoqirdon xeyri de 25-22 hisobi bə oxo rəse.
