Azərbaycan Respublika işğaliyə ərazion ozodəti həxədə İlham Əliyevi işarə.

Azərbaycan Respublika president bə ərazi təmamiyyəti hifz karde iyən çı məmləkəti işğaliyə ərazion ozodəti işarəş karde.

Boku şəhriku bə telerədyo jurnalisti elanon əsosi Azərbaycan Respublika president İlham Əliyev TV mısohibədə çı məmləkəti əraziku  Ermənistanı işğalqəron  xaric beş tələb karde. əv əlavəş karde fəğət Azərbaycan Respublika əraziku işğalqəron xaric beədə və çı ərazi malikon(xıvandon) bəştə məntəğə oqardeədə ki çəvon həx bə hisob omedə məntəğədə sulh bərpo bəbe.

Azərbaycan Respublika president votışe:ım məmləkət ıştə ərazi təmamiyyəti hifz karde domoədəy və heç qıləy şərayetdə ğərəbaği bandə məntəğə istiğlali ğəbul nibəkay.

İlham Əliyev işğalqəton tərəfiku bə tarixiyə əsəron muzeyon iyən məçiton xərob karde barədə işarəş karde və votışe: Şuşa iyən Ağdam məçiton xərob karde ermənistanı vəhşiyə hərəkətonku hikayət kardə və ım ne fəğət bə Azərbaycan Respublika hucum kardey bəlkə bə islami və tarixiyə erjon be ehtıroməti kardeye.