Tırkiyədə Ərbəine Huseyn(ə)-i hərorət.
Muhərrəmə manqi iminnə dahonədə Huseyni şovğ iyən hərorət tojədən de Seyeduşşohəda(ə)-i şəhodətə ərbəini omey həmzəman, Tırkiyə muxtəlifə şəhron huseyniyəon iyən xiyabononədə bə Ərbəinion kərvonon əvəz bəbe.
Imsor Şəhrivərə manqi 26, (Hicri Ğəməri 1444 minnə sori səfə manqi 20, miladi 2022 minnə sori sentiyabri 17), Kərbəloədə şiəyon 3 minnə İmom Həzrət İmom Huseyn(ə) və çəy bəfodorə əshobi şəhodəti 40 minnə ruje.
Dəvardə soronədə, mısılmonon və vo İlahi dinon tərəfdoronku kali, bə İmom Huseyn(ə)-i şəhodətə Ərbəini çand ruj mandə, de şemoni royku Nəcəf iyən İraği co şəhronku ıştəni bə Kərbəlo və İmom Huseyn(ə)-i pokə hərəm rosniyedən. Ərbəine Huseyn(ə)-i şemon qıləy beynəlxalğə hərəkəte və de ım hərəkəti vositə, İmom Huseyn(ə) iyən Kərbəlo ğiyom vey çok zıney bəbe.
Bə Tele Rədio aqentiyəti raporti əsos, Ankaraku xəbə omə ki Nəcəf tosə Kərbəlo şemoni royədə, Tırkiyə əzodorəti heyəton de Huseyn(ə)-i xıdmət xeyməon bərpo kardey vositə bə Həzrəte İmom Huseyn(ə)-i muğəddəsə zot ıştə eşğ iyən irodəton nışoşon do.
Tırkiyə kişvər, 2 milyon nəfər şiə cəmiyəti soybe, əmmo ım kişvərədə çand da milyon nəfərin ki bə İmom Huseyn(ə)-i məktəb eşğ iyən iradətışone. və har sor, Muhərrəm və Səfərə manqon əyyomədə Tırkiyə muxtəlifə şəhronədə və de əzəmətinə əzodorəti mərosimon bərpo kardey vositə, bə İmom Huseyn(ə)-i işğ, irodət iyən hərorəti nışoşon do.
