Azərbaycan Respublikaədə Vəhhabi amilon veyə beədəbəti.

Azərbaycan Respublika Lankoni şəhrıston Aşaği Nodi nomo bıə diku rəsə xəbəon hikayət kardedə ki ım məntəğədə Vəhhabi tojə amilon təcavuz bə şiəyon əlovə bıə.

Lankonku məhəlli mənbəon xəbəşon do Lankon Aşaği diədə Vəhhabi amilon bə şiə etığadon məsxərə kardey xoto, de ım di cıvonon dave kardışone iyən məntəğə polis həm Vəhhabi amilonku himoyə kardey cəhəto, 2 qılə şiə cıvonon dastqir iyən bə Boku ovoştoniyəşone.

İbrahim Zabil Oğlo həmonə şiə alimonku qıləyni be ki bə Boku ovoştoniyə iyən moli ğəromət doey bəpeşt, ozod bıə. tosə bə ısət, co qılə dastqir bıə şiə cıvononku hiç xəbəş ni. 

Muhərrəmə manqi iminnə dahədə, Lankon Aşaği diədə Vəhhabi tojə amilon xəbisə planon iyən hərəkətonku ım məntəğə əholi de şiddətin ğəmqin bin.

Lankon Aşaği Nodi di əholi vey niqəronin, buçi ki ım diədə Vəhhabi amilonku kali cəmaət, nımoji zəmonədə sədo iyən de fitnə bəhs və plan icod kardey vositə, cəhdışon kardə ım di əholi oroməti məhv kon,

Bə ım di əholi votəyon əsos, qıləy şəxs ki həmmə ım fitnəon plan iyən icra kardedə çəy nom Ramal be, və bina soxtey əbzaron dokun soybe. və bə Vəhhabi cərəyanon dəçokney bəpeşt, ıştə xışavəndonku kali həm ım mınhərifə firğədə cəzbış kardə be, .

Ğərəboği 2minnə canqi bəpeşt, Azərbaycan Respublikaədə Vəhhabi mərkəzon iyən amilon fitnə, fəaliyət və təbliğon vey əlovə bıə.

Vote bıdə ki Ğərəboği 2minnə canqədə Suriyəku Təkfiri amilonku çand qılə dastə bə Azərbaycan Respublika ovoştoniyə bıən. Vəhhabi qrupon yolon əcumlə Ğamət Suleymanev, Visel və Əlixan, dəvardəku vey bə şiəyon ələyh de oşko surətədə bə ım koon məşğulin əcumlə: şiə kofr zıney, əməloni bənə muğəddəsə vırəon ziyorət kardey, imomzodəonədə milləti iştirok, İmom Huseyn(ə)-i əzodorəti mərosimon bərpo kardey iyən co qılə şiə əməlon hərom elan kardey.

Muhərrəm iyən Səfərə manqi mıddətədə, dəvardəku vey Boku,Qəncə, Ğəzağ, Şomaxi, Somğait xususi Boku kənoədə Ğaçaxor və Moşfeğ Abad dion və kali Lankon və Oatoro dionədə, bə əzodorəti adəton zərbə jey xoto, Vəhhabi fəaliyəton əlovə bıə.

Oxonə haftəonədə, həmçınin Azərbaycan Respublikaədə Vəhhabi amilon iyən çəy vabəstə bıə kəson, de şiddətin cəhd kardışone ki Kərbəloədə ım kişvəri Ərbəine Huseyn(ə)-i zairon iştiroki vəy bıqəton.