De Şəhidə Rəhbəri vido mərosimədə 43 milyoniyə rekord
Rəsmiyə mənbəon de İroni Şəhidə Rəhbəri vido kardeyo 41 ta 43 milyon nəfəri huzuri ğeyd kardeyku xəbəşon doə.
Bə Fars xəbəriyə mərkəzi raporti əsos, dəğiğə Statistika və monitorinq metodon nışon doydə ki, İnğilobi Şəhidə Rəhbəri pokə bədəni təşyi və vido mərosim, 6 ruji mıddətədə, 43 milyon nəfərış qırdəş karde.In mərosim 5 qılə şəhrədə yəni, Tehron, Mığddəsə Məşhəd və Ğum, Kərbəlo və Nəcəfədə bərpo be ki, de misliş nıbə huzuri, dınyo torixədə bə təşyi yolə hodisə təbdil be.Tehronədə de İroni Şəhidə Rəhbəri pokə bədəni təşyi və vido mərosim 3 ruj(2 ruj Tehroni yolə musəloədə vido və 1 ruj əsliyə təşyi) iyən Ğum, Nəcəf, Kərbəlo və Məşhəd şəhronədə har qılə 1 ruji mıddət dəvomış hest be ki, mıxtəlif şəhronədə de odəmon huzuri təkror bıe hisobi, 43 milyon nəfər cəmiyətış yandı bə ico qırdəş karde.
