Boku: Ermənistoni ərtış ğədəğən bıə bombaonku istifodə kardedə.

Azərbaycan Respublika aqentiyəti iddeoş kardə ki Ermənistoni ərtış bə məskuni məntəğəon həmlə cərəyonədə, həmonə bombaonku istifodə kardedən ki beynəlxalğə sahədə, ğədəğən elan bıə.

Azərbaycan Respublika iyən Ermənistoni miyono marziyə daveon tojə dıvrə, Sentiyabrə manqi 12 təsə 14 minnə ruj bino bıə və bə Erməni 135 nəfər iyən 79 nəfər çı Azəri həebion kışte bois bıə.

Bə Əlcəzirə televeziya kanali raporti əsos, Azərbaycan Respublika aqentiyəti həmçınin iddeoş kardə ki Sentiyabrə manqi 27 minnə rujiku  Ermənistoni silohinə ğıvvon vəhşi surəti, bə otəş basti darşiy dəvomi məşğulin.

Miladi 2020 minnə sor və 44 rujə canqi bəpeşt, co kərə Azərbaycan Respublika iyən Ermənistoni marzi hərbion de yande daveon binoşon kardə iyən har tərəf co tərəfi mıttəhəm kardə ki otəşbasti muğavilə rioyətış nıkardə.

Canqi bəpeşt 2 qılə kişvər marzon təyin kardeyro çand qılə kumitəon icod bıə əmmo ım mıvzo bə vırə rosniye prosses vey zəif iyən qədə-qədə bənav şedə.