Ğəfğazədə sulh iyən oroməti İroniro muhimme

İron iyən Ermənistoni parlament dustiyəti əloğəon rəis bə Boku iyən İrəvoni miyono bıə munağişə işorəş karde və votışe: umidəvumom ki Azərbaycan Respublika iyən Ermənistoni miyono ixtilofon qıləy çokə şəroyet iyən bə yande hakımiyəti ehtıron noe çərçivədə həl bıbu.

Bə İrib raporti əsos, Seyd Mehdi Fərşadan de Qıorq Papoyan vindemoni cərəyonədə bə 2 qılə kişvəri miyono bıə siyosi çokə həmkoəti işarəş karde və votışe ki de təəsufi iğtisodi-ticori həkoətion miğdor rizoyəti cəlbəkə ni.

Əv bə Erməniston iyən İronədə bıə di təsərrufat, enerji, sənaye və nəğliyot mıvcudə zərfiyəton işorəş karde ki de bə əvon diğğət kardey iyən əvoni inkişof doeyədə bəbe ki bə i milyord dollar ticorəti miğdor bırəsəmon.

Papoyan həm bə İron səfər kardeyku ıştə rizoyəti nışoş do və bə dustanə həmkoətion işorə karde çərçivədə təkidış be ki parlament votımonon bə rabitəon inkişofi zəminə bıbu.

Əv Ğərəboğ mınoğişədə bıə İroni vindımoni bə təğdiri loiğ bə hisobış varde və bə Ermənistoni sərhədd hakımiyəti əhəmmiyəti işorəş karde.