İron və Avrasiya iğtisodiyə i bemoni miyono ozod ticarət məntəğə bino bəbe.

Ermənistoni xarıci vəzir İron və Avrasiya iğtisodiyə i bemoni miyono ozod ticarət məntəğə bino karde barədə bə Ermənistoni səy və cəhdon dəvom doe təkidış kardə.

Bə İrna raporti əsos Ermənistoni xarıci vəzir Edvard Nəlbəndiyan elanış kardə Ermənistoni vıjoronədə hozzo peydo kardero İron çandə zərfiyətonış heste ijən Tehron və İrəvan bo ticari və moyə noe xoto vəziyəti çımiku çok karde qornə 2 qılə kişvəri miyono həmkarion hevuj karde pidəşone.

Nəlbəndiyan votışe: yəğin İron və Ermənistoni miyono viza rejimi ləğv karde bəzne həminə həmkarion ziyod kardero vey foydəş bıbu.

Erməniston çı Avrasiya i bemoni yeqanə kişvəre ki de İron zəmini sərhədış heste bə çəy xoto bəznə nəğliyat sahədə ijən məhsulon tıranzit karde xoto çandə imtiyoz və ğabeliyətonış bıbu.

Rusiyə, Belarus və Ğəzaxıstan çı Avrasiya iğtisodiyə i bemoni soxtəşone.

İron çan kərə de həmine i bemoni ıştə həmkarion rəsmi sorətdə bino kardero muzakirəonış əncom doə və ısət bə oxonə təvafuği rəse holədəy.