Əlağon ve kardeyu İron və Azərbaycan Respublika işarə.
İroni rabitə və texnoloqiya vəzir və Azərbaycan Respublika ixtisad vəzir həmmə baxşonədə bə 2 qılə məmləkəti həmkarətion inkişafi işarəşon karde.
Bə İRNA xəbon əsosi ironi rabitə və texnoloqiya vəzir Məhmud Vaezi və Azərbaycan Respublika ixtisad və sənaye vəzir Şahin Mustəfayev zinə şanqo ironi şimal ğərb Ormiyə şəhrədə 2 qılə məmləkəti ixtisadi qırdbemonədə iştirak karde bəpeştə qıləy xəbəriyə iclosədə ım qırdbemoni nəticon barədə məlumatış do.
Məhmud Vaezi votışe: bı nezə rujonədə de İron Azərbaycan Respublika sərhəddonədə viza doe imkon təşkil bəbe ki ım muvzo 2 qılə məmləkəti muzakironədə nəhayi be və navədə nezə rujonədə icra bəbe.
ironi rabitə və texnoloqiya vəzir əlavəş karde nezə rabitə icod karde ironi şimal ğərb Maku ozodə məntəğə və Azərbaycan Respublika Nəxçivoni miyonədə ticariyə fəaliyyəton rost kardeyu mısbətə ğədəmon peqəte
turizm baxşədə həmkarətion həmçinin İron və Azərbaycan Respublika taciron fəaliyyəton rohət karde əcumlədə 2 qılə məmləkəti miyonədə bədast omə təvafuğonku be.
ironi rabitə və texnoloqiya vəzir əlavəş karde 2 qılə məmləkəti miyonədə 10 qılə həmkariyə sənədi barədə təvafuğ bə dast oməy ki Azərbaycan Respublika president İlham Əliyevi bə Tehron təşkil bə səfərədə ki ğərore bı rujonədə təşkil bıbo 2 qılə məmləkəti rəsmi şəxsiyyəton tərəfiku imza bəbe.
Azərbaycan Respublika ixtisad və sənaye vəzir Şahin Mustəfayev həm ım xəbəriyə iclosədə votışe:İron və Azərbaycan Respublika prezidenton dəvardə 3 sorədə 7 kərə vindımonışon dəvoniyə ki ım məsələ İron və Azərbaycan Respublika nığılə dustə əlağonku hikayət kardə.
Mustəfayev əlavəş karde İron və Azərbaycan Respublika həmkarətion 2 qılə məmləkəti yolon iradəndə umjən qıniyə və mıxtəlif baxşonədə əcumlədə neft qaz siyasət nəğliyyat iyən ticariyə baxşonədə 2 qılə məmləkəti zumandə həmkarətion baxşonku hestin.
Azərbaycan Respublika ixtisad və sənaye vəzir həmçinin bə 2 qılə məmləkəti ticariyə fəaliyyəton 70 faizə inkişafi işarəş karde və ommidvar mande navədə nezə rujonədə Azərbaycan Respublika president bə tehron səfər karde nəticədə iyən bə Ormiyə Azərbaycan Respublika 60 nəfərə ticariyə heyəti huzurədə 2 qılə məmləkəti həmkarətion inkişaf karde şərayet təşkil bıbo.
