Bə Tırkiyə iyən İroni ticari mıbodiləon əlovə bey

Tırkiyədə bə muntəşir bıə statestikaon əsos, cari sorədə İron-Tırkiyə ticari mıbodiləon əlovə bey nışo doydə.

Tojədən bə Tele-Rədio aqentiyəti raporti əsos ki Yeni Şəfəğ nomo bıə rujnoməku nəğlış kardə, Tırkiyə statestika muəsisə elanış karde, cari sori əvvəliku tosə Sentiyabrə manqi oxonə ruji, İron və Tırkiyə ticari mıbodiləon bə 4 milyardo 809 milyon dollar rəsə.

2 qılə kişvəri ticari mıbodiləon dəvardə sori muğaisədə 26 faiz əlovə bey nışoş doydə, yəni 3 milyaro 799 milyon dollariku bə 4 milyardo 809 milyon dollar rəsə.

Im muəsisə ijən əlovəş karde: cari sori əvvəliku tosə Sentiyabrə manqi oxonə ruji, Tırkiyə 2 milyardo 213 milyon dollar bə İron əmtəə iyən məhsul ixracış kardə və ım mığdor dəvardə sori muğaisədə, 11 faiz əlovə bey nışo doydə.

Həmçınin tosə Sentiyabrə manqi oxo yəni 9 manqi mıddətədə, İroni tərəfo bə Tırkiyə varidat 2 milyardo 596 milyon dollar be.

Bə Tırkiyə statestika muəsisə raporton əsos, həminə zəmonədə və bə Tırkiyə, İroni qazi varid bey mığdor bə 7 milyardo 80 milyon kub metr rəsə.

Dəvardə sor və həminə zəmonədə, Tırkiyə İroniku 7 milyaro 390 milyon dollar qazi varidış kardə be.