Ğəfğazədə bə stabiləti bərğəror iyən məntəğə həmkoətion əlovə kardey təkid.

İron və Ermənistoni xarıci vəziron muavinon, Cənubi Ğəfğaz məntəğədə bə sulh iyən stabiləti bərğəror və məntəğə həmkoətion əlovə kardey zərrurəti təkidışon kadə.

De diğğət bə İron və Ermənistoni kanə rabitəon, 2 qılə kişvəri miyono nezə rabitəon mucude, bə məntəğə daveon iyən bəzi problemon vucudi xoto, muxtəlifə baxşonədə bə ım 2 qılə kişvəri rabitəon əlovə kardey təsir noəşe. bə həminə xoto, hamsuyə kişvəron miyono və de İroni ticari və iğtisodi rabitəonədə, Erməniston vey çokə vırə soybe.

Bə İrna raporti əsos, tehronədə İron İslom Respublika xarıci vəziri siyasi muavin Əli Bağıri de Ermənistoni xarıci vəziri muavin Menasaqan Səfariyani vindemonədə, Tehron iyən İrəvani həmmə tərəfiyə həmkoətion hevujəti bə 2 qılə milləti mənafe iyən Cənubi Ğəfğaz məntəğədə əmniyyət iyən stabiləti zumand kardey cəhəto zıneydə.

Bağıri ijən elanış karde: dəvardəku vey, İron İslom Respublika ciddiyə  irodə de Erməniston, həmkoətion əlovə kardeye.

Im  vindemonədə həm Ermənistoni xarıci vəziri muavin Menasaqan Səffariyan həm İron İslom Respublika nəzəonku ğədrdonətiş karde ki 2 qılə kişvəri həmkoətion bə inkişof rosniye cəhəto və Ermənistoni irodəonku himoyədorəti kardey holədəy xususi iğtisodi və ticari baxşonədə ki ım baxşonədə 2 qılə kişvəri rabitəon prosses vey çok iyən bə inkişof rəsey holədəy.

Ermənistoni xarıci vəziri muavin Menasaqan Səfariyan ki bə Tehron səfərış kardə, tojədən de İroni xarıci vəzir Huseyn Əmirəbdullahiyan həm vindemonış kardə be.