İron və Azərbaycan Respublika miyonədə ticariyə həmkarətion inkişaf.

Azərbaycan Respublika ixtisad vəzir bə İron ıştə tojə təşkil doə səfəriku rozi mande və votışe:2016 minnə sorədə 2 qılə məmləkəti ticariyə həmkarəti təğribən 70 faiz inkişafış bə.

Bə İRNA xəbon əsosi Azərbaycan Respublika ixtisad vəzir Şahin Mustəfayev zinə bokuədə qıləy xəbəriyə iclosədə Azərbaycan Respublika ixtisadiyə heyəti bə İron təşkil doə səfəri nəticon barədə votışe:Azərbaycan Respublika president İlham Əliyev de İron İslam Respublika əlağon inkişaf doeyu xususiyə əhəmmiyyət nəzədə qətedə.

Azərbaycan Respublika ixtisadiyə heyət de ım məmləkəti ixtisad vəzir Şahin Mustəfayevi yoliyəti fevrali 22 nə ruji bə İron qıləy 3 rujə səfərış təşkil do.

Azərbaycan Respublika ixtisad vəzir dəvardə 3 sorədə bə Azərbaycan Respublika və ironi prezidenton vindımonon işarəş karde və ıştə sıxanon dəvomədə əlavəş karde ım muddətdə təğribən 100 qılə səfər 2 qılə məmləkəti rəsmi şəxson tərəfiku təşkil bə və təğribən 40 qılə həmkariyə sənəd həm imza bə.

Şahin Mustəfayev həmçinin Azərbaycan Respublika mıxtəlif ixtisadiyə baxşonədə ironi 530 qılə  şirkəti fəaliyyətiku xəbəş do.

Azərbaycan Respublika ixtisad vəzir həmçinin ixtisadiyə planon icra karde çərçivədə Tehron-Boku mıştərəkə fəaliyyətonış muvəfəğ zınə və əlavəş karde Şimal-Cənub nəğliyyat beynəlxalğə ro 1 minnə mərhələ bə oxo rəsə.

 Mustəfayev ıştə sıxanon coqlə baxşədə Azərbaycan Respublika və ironi nezə ostanon miyonədə ditəsərrufati baxş iyən xurəkisənaye nəğliyyat iyən turizmı baxşonədə həmkarətion çokə şərayetonku işarəş karde və votışe:ironi ğərbiyə Azərbaycan ostan və Nəxçivon və Turkiyə 3 tərəfə həmkarətion inkişaf doeyu çokə şərayetışon heste.