De unilateralizmi mubarizə bardey barədə İron və Rusiyə həmkoətion zərurət.

İron İslom Respublika xarıci vəziri siyasi muavin iyən Rusiyə xarıci vəziri muavin, multilateralizmi roy zumand kardey, de unilateralizmi mubarizə bardey iyən bə İ Bıə Milləton prinsipon pobənd bey cəhətədə bə 2 qılə kişvəri həmkoətion zərrurət təkidışon kardə.

2tərəfiyə zəminəonədə xususi iğtisodi, hərbi və əmniyyəti iyən məntəğə və beynəlxalğə məsələon barədə bənə de Amerkə unilateralizmi mubarizə bardey baxşonədə İron və Rusiyə stratejikə mıştərəkə mənafeon soybin və oxonə soronədə ım amilon 2 tərəfə nezə həmkoətionədə vey muhimmə amilonku bə hisob omeydə.

Bə Fars aqentiyəti raporti əsos, Moskvaədə İroni xarıci vəziri siyasi muavin Əli Bağıri iyən Rusiyə xarıci vəziri muavin Serqey Riyabkof de yande vindemonışon kardə iyən ım votımonədə 2 tərəf, de ğərbi ğudrəton vositə de insoniyə həxon mıvzoon barədə siyasi,əbzori iyən vıjniyə surətədə sui-istifodə kardey barədə sıhbətışon kardə və ğəror bıə 2 qılə kişvər ıştə həmmə cəhdon əncom bıdən ta ım koon vəy qətə bıbu.

Votey bəbe ki Seşəmbə rujədə Əli Bağıri həm bə Doha səfəri cərəyonədə de Ğətəri xarıci vəziri muavin vindemon iyən votımonış kardə be.