Rusiyəku Azərbaycan Respublika şikoyəton.

Ğərəboği sakin bıə kəson hərəkət iyən Azərbaycan Respublika rəsmi şəxson bə məntəğə varid bey vəy qətey bois bıə ki Boku de icbor surətədə bə Rusiyə şikoyətış ko.

Şənbə rujədə Ğərəboğədə məhəlliyə millət, Azərbaycan Respublika rəsmi şəxson tele məədəi vindemoniku vəy qətəşone.

Azərbaycan Respublika ki ım məntəğəonədə şe-omey ıştə həx zıneydə iyən de milləti muğubilə kardeyro, Rusiyə sulh mərominə ğıvvon mıdoxilə tələbış kardə.

Bə İsna aqentiyəti raporti əsos, zinə işəmbə rujədə Azərbaycan Respublika xarıci koon vəzorətxonə elanış kardə: Buko çand kərə Rusiyə sulh mərominə oqətə ğıvvonku tələbışkardə be ta təbii mənbəonku ğeyri ğanuniyə istesmori vəy bıqəto və çəy mənfiyə təsiron bə ekoloqiya məhv kon, əmmo ım tələbon bə nəticə rəsəş ni.

Im vəzarətxonə ijən əlovəş karde: bə məlumatoni ki de Azərbaycan Respublika vositə bə dast omə, təbii mənbəonku xususi Ğizil Bolaği tele məədən iyən Dimerli mısi məədən ğarət bıə iyən de ğeyri ğanuni surətədə istismor bey holədəy.

Azərbaycan Respublika xarıci vəzarətxonə bəyoniyədə omə: bə Rusiyə sulh mərominə oqətə ğıvvon be hərəkəti xoto, məhəlli şahrvandon ım məntəğə rəsmi şəxson vindemoni vəy qətəşone.

Azərbaycan Respublika ım bəyoniyədə təsdiğış karde: Rusiyə sulh mərominə ğıvvon bəpe həmmə baxşonədə bə Azərbaycan Respublika ərzi təmamiyyət iyən hakımiyət diğğətışon bıbu.

Votey bəbe ki 44 minnə ruji canqi nəticədə ki Erməni və Azəri hərbiçion miyono əncom bıə Ğərəboğiku çand baxş Ermənistoniku co  iyən bə Azərbaycan Respublika dəçokney bıə.

Nəhayətədə Milodi 2020 minnə sorədəde, Rusiyə vositəçoiyəti iyən de təvafuğnoməon imzo kardey ki bə 3tərəfiyə bəyoniyəon məşhur bin Ğərəboği canq sə bıə iyən 2 qılə kişvəri miyono daveon məntəğədə Rusiyə sulh mərominə ğıvvon sakin bıən.