İroni osmoni muxtəlif məntəğonədə dışmoni dronon məhv kardey

Məşhədi ostandari elonış karde ki ın ostani həvo mudafiyə sistemon de israili dronon zıney həmzəman fəal bin və qıləy muvəffəğ əməliyoti cərəyonədə əvoni vırt-vılo kardışone.

In xəbədə ğeyd be ki ısət İroni silohinə ğıvvon de kəşfiyot və əmniyəti əsqəron bə ico mudafiyə sistemon peştədə Rəzəvi Məşhədi osmoni kontrol kardən.

Zinə şəv həm İroni Ğərbədə çı israili Hron modeleş bıə coqılə dron de İroni mudafiyə sistemi vositə peydo və məhv be.

In əməliyotiku muntəşir bıə film nışo doydə ki çoko sionisti dron de İroni mudafiyə sistemi sırneğon be.

Tehroni cənubədə bıə Ruhullah nomo Sepah fərmondəti mərkəz həm bəyonış karde ki zinə şəv Rey nomo şəhri Kəhrizək məntəğədə siyonist rejimi qıləy dron peydo və de mudafiyə sistemi hədəf qətə bıə.

İroni Lorestaniku həm xəbə omə ki ın ostani Pol-Doxtər məntəğədə və de İroni mudafiyə sistemi mutşəkil əməliyati vositə sionist rejimi qıləy dron zıney bəpeşt məhv be.