Bə Yəmənədə daveon həlli cəhd kardeyro, Tırkiyə təkid

Tırkiyə kişvəri vəzir de Yəməni istifo doə bıə dıvləti xarıci vəziri vindemonədə bə Yəmənədə canq və dave bə oxo rosniyero bəştə kişvəri cəhdon təkidış karde.

Bə İsna aqentiyəti raporti əsos, Ankaraədə Tırkiyə kişvəri vəzir Suleyman Soylo de Yəməni istifo doə bıə dıvləti xarıci vəzir Əhməd Əvəz İbne Mubarəki  vindemon iyən votımonış karde.

Bə ım raporti əsos, Soylo de Ben Mubarəki vindemonədə votışe: Yəmənədə bə daveon sə kardey və stabiləti bərğəror kardeyro, və ım kişvərədə strukturon bəji kardeyro, Ankara cəhdon dəvom peydo bəkay.

Tırkiyə kişvəri vəzir işorəş karde: təlim, səhiyyəvi, xorək və iminnə xıdməton baxşonədə de yolə bıhranon dim bə dime əv ijən ıştə umo nışoş do ki vey rə Yəmənıjon ım bevəcə vəziyətiku xarıc bıbun.

Yəməni istifo doə bıə dıvləti xarıci vəzir ijən ıştə kişvəriku, Tırkiyə siyasi himoyəon, və Ankara bəşərdustanə koməkonku ğədrdonətiş kardə.