Tolış Moğan məntəğə dərbədər kardə bıə prezidenti bəfoti xoto

Tolış-Moğan mıstəğilə məntəğə prezident, Əli Əkrəm Hummətzodə ki Milodi 1993 minnə sorədə de Heydər Əliyevi əmri əsos zindonədə be, və Milodi 2005 minnə soriku bə İlham Əliyevi əmri əsos, Azərbaycan Respublikaku dərbədər iyən xarıc bıə, Holəndiya ğəribə kişvərədə 79 sorəti sinnədə bəfotış kardə.

In Tolışə şəxsiyəti cənazə dəkande mərosim ki Bokuədə Pantırkizmə hukuməti ğeyzin bey bois bıə de Polisi reaksiya bə ico be və Lankonədə, polisi ğıvvon və bə Pantırkizmon vabəstə bıə amilon Əli Əkrəm Hemmətevi bəfoti təsliyət parçə nıvıştəyon mısodirə və vılo kardışone.

Dəvardə 40 sori mıddətədə, Əli Əkrəm Hemmətov bə  Azərbaycan Respublika hakim bıə Pantırkizmi nizomi təxribaton zid, Tolışon həxi oqəteyro, veyə zəhmton iyən cəhdon əncomış do.

In Tolışə şəxsiyət, həmçınin bə ozodəti prinsipon və insoniyə həxon beynəlxalğə konvansiya maddon əsos bə Avropa huğuği təşkilaton çı  Azərbaycan Respublikaku 2 qılə rəsmi iyən huğuğiyə şikoyəti elanış karde ki har 2 qılə şikoyətədə Boku hukumət bə pulli cəzoon məhkum bıə.

Həmonə soron ki  Əli Əkrəm Hemmətev bə Tolışi mədəniyət və zıvoni məhv kardey xoto, Azərbaycan Respublika hukuməti ğovmiyə siyosəton vədə, Azərbaycan Respublika Tolışon muğaviməti hərəkəti rəhbəriyət əki, həminə hərəkətiku çand nəfər çəvon yolon əcumlə Nuruz Əli Muhəmmədev və Fəxruddin Əbboszodə Boku zindononədə işkəncə jintonədə bəfot kardışone.

Əli Əkrəm Hemmətev həm bənə Azərion, Tolışon iyən  Azərbaycan Respublikaədə sakin bıə ğovmon həğiğiyə ruşin fikon iyən məşhurə kəson, bə İroni sivilizasiya yən mədəniyəti vey meylış be.