Şəhidə Rəhbər

Həx iyən həyğəti roy tərəfdoron,əvon ki,İslom iyən İnğılobi məsir iyən royədə qəm peqəteydən,çəvon həmməysə dıjdə oruzu şəhodəte.

İnğılobi Şəhidə Rəhbər İmom Xameneyi(ğ) həm hejo çe şəhodəti oruzu kardedəbe və bə şəhodəti feyzi həm noyil be.ın xısləton bəmə təlim doydə ki,bəpe həxə royədə deştə qırd vucudi hərəkətkəmon iyən bəpe deştə coni İslomi mıdofiyəkəmon.İmom Xameneyi(ğ) ıştə şəhodətiku çandə soron bənav de mınofiğoni terroristə qrupi təvəssıti bə terrori məruz mande.əmmo İlahi təğdır be ki,ın terror benəticə bımando iyən ə həzrət çe çandə dırozə soron çı İslomi İnğılobi kəşti sukondorəti iyən kapitanəti bəştə ehdə peqəto.Çə həzrəti conbozəti iyən fidokorəti,Çə həzrəti bəştə vıjniyə roy bıə imon iyən bovə sənəd be.qıləy İlahi ro ki,bəpe əyo hiç qıləy tars nıbə holədə tosə ıştə coni oxonə nəfəsi mandey bıbu iyən çe həxı bə botıli ələyh bıə canqi cəbhədə de zumandəti mande ta Xıdovənd bəştə zınə məsləhəti əsos boəy qıləy ağıbət təyin bıko.De Kərimə-Ğıroni unsiyyət,çe İnğılobi Şəhidə Rəhbəri coqlə xıslətonku be ki,bəpe bəy işorə kardey bıbu.(Şəhidə Rəhbəri fərzənd iyən İslomi İnğılobi Seminə Rəhbər)Həzrət Ayətullah Seyd Mujtəbo Xameneyi ıştə bə Şəhidə Rəhbər İmom Xameneyi(riz) xitobən bıə iminə mesajədə hamyəşe:”Şımə hejo bə ın ağıbəti muştoğ biyon ta bilaxirin Həzrəte Həxı əvış tı,Kərimə-Ğıroni tilovət kardə iyən çe Mıborəkə Rəməzonə manqi daminə ruji sıbi vaxti bətış əto karde”.İslomi İnğılobi Yolə Şəhidə Rəhbər çe kəlmə həyğiyə mənoədə de Xıdo kəlomi mənus be iyən bə Kərimə-Ğıroni məclison nisbətədə həssos be və dayima çe Kərimə-Ğıroni hafizon iyən ğariyon təşviğ iyən təhsin kardedəbe.İmom Xameneyi(ğəd) Kərimə-Ğıronış bə camiyə miyono vardışe iyən ə həzrət ıştə nəzədə bo Ğıroni bəyji kardero zəruri zınə çiyon əncom doydəbe.ısət çe təblıği və ixtisosinə bərnoməon iyən medya fəzoədə qətəşe tosbə bo Ğıroni məhfil iyən məclison bərpo kardero təşviğ,çe Şəhidə İmomi(riz) bə Kərimə-Ğıroni unsiyyətədə bıə səyon,bəçəmə yod vardedə ki,İslomi İnğılob çe həxə kəlomi məsir iyən roye.çən,bəpe bın məsirədə de Xıdo kəlomi uns bastey bıbu və çın Şərifə Mushəfi har qılə ayəku ki,çe hidoyəti roy nışon doydə,bəhrə bardey lozıme.Şəhidə Rəhbər həmişə bə dışmenon iyən mıstəkbiron mığobilədə bıə mığovimət iyən tovinəti təkid kardedəbe və ıştə mıborəkə həyoti soron dırozi cihod kardə holədə bin.ə cihodon ki,mıxtəlifə mıborizə məydononədə təğib kardey be.ısət İronədə de Pəhləvi istibdodi iyən dispotistə rejimi mıborizəku və nomınəzzəmə canqi ğərolqoədə huzur iyən iştirokiku qətə tobə i umr de amerkə istikbori iyən sehyoniston məhfi koyədə bıə canqədə mıcohidonku hartərəfin iyən əməli himoyə.ısət iyən qıləy zəmon ki,çın mıstəkbiron çe dınyo har qıləy noxtədə bıə vəhşiyonə cinoyəton de oşkoə formə mışohdiə kardey beydə,bəpe bənə Şəhidə Rəhbəri çın mıstəkbiron vədə mandey iyən mığovimət nışon doey bıbu və bəpe hejo cihod kardə holədə bıbu və çe dınyo məzlumon mıdofiyə koyədə bə de dışmınon iyən cinoyətkoron canqi səmt hərəkət kardey bıbu və tosə qıləy zəmoni ki,çe kufri dınyo bəsə İslomisə səfədə mandə,çe cihod iyən mıborizə məsir iyən ro dəvom pəydo bəkarde.