Bokuədə İroni mədəni məşvərətəkə: Həzrəte Fatemə(s) dınyo həmmə jenon simvole
De Həzrəte zəhra(s)-i şəhodətə sorəqardışi əyyomi rəsey həmzəman, Boku şəhri Şəhriyor nomo bıə mədəniyəti kə vırədə, və de çand sa nəfər Əhli Beyt(ə)-i aşiğon və tərəfdaron iştiroki vositə, qıləy mərosim bərpo bıə.
Zinə Milodi 2022 minnə sori Dekabrə manqi 27 iyən Hicri Ğəməri 1444 minnə sori Cəmadiul Əl-Sani manqi 3 minnə ruj be, bə təğvimi əsos, zinə de Xıdo Rəsul(s) qiramiyə kinə və dınyo şiəyon 1minnə İmom Həzrəte Əli(ə) qiramiyə həyot həmro şəhodəti sorqərdışi bərobər be.
Bə İsna aqentiyəti raporti əsos, Bokuədə bıə İroni İslomiyə Respublika məşvərətəkə Ğorban Əli Purmərcan ıştə sıxənonədə votışe: Həzrəte Fatemə(s) dınyo həmmə jenon simvole.
Purmərcan ijən Peyğəmbəre Əkrəm(s) iyən Həzrəte Əli(ə)-i nəzdədə, bə Həzrəte Fatemə(s)-i vırə iyən məğomi işorə iyən əlovəş karde: Həzrəte Fatemə(s) nəbəvvət iyən imoməti həlğə be və Həzrəte Əli(ə)-i bəpeşt, həmmə Əemə Məesomin(ə) ım xanımi nəsliku hestin.
Azərbaycan Respublikaədə bıə Yolə Rəhbəri dəftəri nımoyəndəti muavin, Huccətul İslom Mirsəlom həmçınin Həzrəte Fatimə(s)-i şəxsiyəti barədə votışe: əzəməti ki Ğıronədə Xıdo bə İslomiyə peyğmbəri qıromiyə kinə doəşe, vey barze.
Azərbaycan Respublikaədə bıə Yolə Rəhbəri dəftəri nımoyəndəti muavin Həzrəte Zəhra(s)- vırə və məğomi barədə kərimə ğıroniku qıləy ayənə handey bəpeşt əlovəş karde: Həzrəte Fateməye Zəhra(s)-i ulqo qəteyro veyə illəton və dəlilon mucude ki çəvonku vey muhimmə illət, kərimə ğıroniku qətə bəbe.
Həminə mərosimi dəvomədə, 5 nəfər Azərbaycan Respublika məşhurə məddahonku məddadi kardışone.
