"Ğiz Ğaləsi" nomo sədd, İron və Azərbaycan Respublika ovi dusti diplomatiya simvol

İroni ov milli planon sıxənəvot, "Ğiz Ğələ Si" nomo sədi təsis kardey, İron və Azərbaycan Respublika miyono ov dusti diplomatiya simvol zınəşe.

İron və Azərbaycan Respublika mıştərəkə marzədə Ərəsi səd təsis beyku 50 sor bəpeşt, "Ğiz Ğələ Si" nomo səd de İroni muhəndison texniki zumandəti və yolə plani ğolibədə kəşə iyən icro bıə.

Im pardi təsis bey iyən icro, ditəsərrufat baxşi inkişof, məntəğə iğtisodi inkişof, ditəsərrufati məhsulon keyfiyəti cəhəto əlovə bey və turizm baxşi inkişofi bois bəbe. çimiku sə əlovə ım planədə İroni zıney və təxəssus iyən muhəndesi zumandəti həm nışoş do.

Bə İrna raporti əsos, İroni ovi milli planon sıxənəvot İsa Bozorqzodə,bə "Ğiz Ğələ Si" nomo sədi plani oj bemoni mınosibəti xoto, qıləy xəbəiyə iclosədə votışe: ım pard, İron İslom Respublika və Azərbaycan Respublika miyono dustiyəti zumand kardedə.

"Ğiz Ğələ Si" nomo səd stratejik cəhəto  və vey muhimmə vırə soybe iyən təyin bıə ki vey rə de İron və Azərbaycan Respublika prezdenton iştiroki bə istesmor bırəsi.