Əbədiyə ətr

Əbədiyə ətr

Ğıbonə idi ruji xotırə,qıləy dıjdə xotırəy.əsosən Zilhiccə mo çe xotırəon da rujone.Zilhiccə moədə har qıləy da rujon qıləy xısusiyyətış heste.iminə da ruji xotırəon həm əzəmətin,muhim iyən təlime və həm təzərru,dığğət və bə Xıdo səmt inobəy.bə həzrəte Mosə(ə) ayid xotırəonku bino beydə ki,çe “Və vaədna....”məsələy ki,çıl şəv çe həzrəte Mosə(ə) de aləmon pərvərdıqori bıə miod həmonə miğot be ki,dıroz dəkəşe ki,təfsirədə heste ki,ın çıl şəv çe Zilğəədə mo iminə ruji sıftənə şəvikuye tosə Ğıbonə idi şəvi və əvvəl ğərole si şəve,peşo da şəv həm izofə beydə ki,həmonə Zilhiccə mo da şəve ki,ın mevzu çın şəvon əhəmiyyəti nışon doydə...

Peşo nevbə rəseydə bə Ğıbonə idi.ın Ğıboni torıxədə qıləy mislış nıbə iyən mecuzə ofəyə heyrətamizə ğıboniye. Həzrəte İberym(ə) məmur beydə ki,ıştə nevcıvonideştə dasti bə ğətl bırosno-İlahi əmre,İlahi imtovone-əv həm qıləy fərzənd ki,çandə dırozə soron çəy vucudiku məhrum bıə və piyəti zəmonədə “Əlhəmdulillahi...:Mıtəolə-Xıdo ın hırdənış bə Həzrəte İberymiş(ə) doə be və çok,oşkoe çanədə inson bəştə fərzəndi ıştə umri oxoyədə iyən piyəti zəmonədə dıl dəvastedə.bə ın fərzəndi ki,ısət”Fələmma...-qıləy cıvon ya nevcıvon bıəbe-voteşe:dılım heste tıni bə ğətl bırosnom.ım çe Xıdo əmre.həmonə cıvoni voteşe:”Ya əbəti...bıvindənən ımon dini torıxi əcibə hodisəonin,çe dindorəti torıxi,çe imoni torıxi,çe islomi hodisəonin. əmə ıştə dəvardə zəmonədə həm,ıştə dindorəti sabiğ və torıxədə hestemone ki,piyə pı hozzıye ıştə cəvoni deştə daston bo Xıdo xoto ğıboni bıko iyən cıvon həm de kəmolə meyli hozzıye və votedə:”ifəl ma tu`mər...bəvindeş ki,mı tov bəvardem.ın həm çe Ğıbonə idi xotırəy ki,çok ın iminə da rujon,ın curnə de məno pur bıə iyən əzəmətinə xotırə,bə odəmi ro nışon doydə....

Əmirəl-Muminin(ə)ın hukumətış ki,bəvədə seqlə canq de çandə həzo kıştey bə əməl ome-şımə Nəhcul-Bəlağədə diyəkənən-de qıləy təbiron təğdım kardedən ki,çəy bə ın hukuməti nisbətədə bıə təhğıri nışon doydə.qıləy vaxt əy-və İbn Əbbosi xitobədə-çe kanə pinə jeyə bıə məşo anqıliku vey beerj təğdım kardedə.iqlə vırədə çe həmonə barədə hamyedə:”ləəlfəytum...-çe bızəbalə ətsəku hosil bıə,omə rutubət,çanədə həyoti erjış heste?hiççi.hamyedə: ın hukumət,ın ğudrət,bo Əli(ə) bəsə kursisə nıştey,çımisə vey kam və vey kam əhəmiyyətine.iqlə vırədə həmonə xutbədə bo ın hukuməti ğəbul kardero istidlol kardedə:”ləv la ...:vindeme mərdum omən,isror kardedən,ıştə imdodi nışon doydən,əve ğəbulım karde.ijən çe istidloli məğamədə:”Və ma-hamyedə:Mıtəolə-Xıdo bəsə alimon,bəsə aləmi zınə kəsonsə qıləy təklif iyən vəzifəş mıəyyən kardə ki,bo zolımon si bey iyən bo məzlumon vəşyanəti iyən təyə dastəti xoto səbr nıkon,tov nıvon.ımon ə çiyonin ki,Əmirəl-Muminini(ə) bə hukuməti səmt bışıkırno ya bə ə həzrəti ələyh beşə kəson mığobilədə,bə mığovimət,bəsə poysə mandey,hətto bə hərbi canqi səmt bardedə.və illa hukuməti bo Əmirəl-Muminini(ə) hukuməti hiç qıləy erjış ni...

Vəliyyi-Əsri(əc) devrə çe bəşəri jimoni sıftə devrəy,çe bəşəri jimoni oxonə devrə ni.çunki,çe insoni həğiği həyoti iyən çın bəşəri dıjdə xıyzoni hərəbaxtəti tojə bino bey bəbe və çın zəmini kurə bərəkətonku və bın fəzoədə nomə bıə enerji iyən istedodon,bo insoni-bezərər,bexəsorət,benobudəti və zay kardey-mumkin bəbe.lakin çe Həzrəte Bəğiyyətullah(əc) zuhuri devronədə ğəziyyə jıqo ni.bəşər çe aləmi xeyronku,çe təbyəti punhonə enerjiyonku, bezərər iyən bexəsorət istifodə kardedə.qıləy istifodə ki,bə insoni ruşd iyən navşemoni səbəb beydə.həmmə pəyğombəron omin ta əmə bə ın noxtə bırəsəmon ki,çe bəşəri jimoni tojəti bino beydə.oxonə pəyğombər ehyanə bıpyişe insonon bə oxonə dini tələbon və bə ın vırə bırosno,bəpe kom ko bıko?.bəpe ın tərbiyə ki,əy bə insonon ətoş kardə,dayimi iyən dıroz bıbu və çandə omə nəsl şomil beydə.pəyğombəre-əkrəm(s) ki,dınyoku bəşe-İnnəkə-çən,bəpe ikəsi təyin bıko ki,ıştə bəpeştə dəğiğən həmonə ro və həmonə cəhət və həmonə şivəonku oko bıko və Əliyyibni Əbi tolıbe.çe Ğədiri təyin kardey məno ıme.