Pezeşkiyan:Bə İroni zidd hərbi təcavuz,beynəlxalğə qaydəon darıştey be
Pezeşkiyan:Bə İroni zidd hərbi təcavuz,beynəlxalğə qaydəon darıştey be
Pezeşkiyan:Bə İroni zidd hərbi təcavuz,beynəlxalğə qaydəon darıştey be
İron İslom Respublika prezdenti bə İroni zidd hərbi təcavuz,bo veytərəfinəti və bə beynəlxalğə qaydəon ehtıromi zumand kardey cəhətədə bənə beynəlxalğə səyon darışteyış zıne və bə İMT-i uzv devlətonku ın ğeyri-ğanuni təcavuzi məhkum kardeyış tələb kardə.
İron İslom Respublika İspaniyadə bıə səfir Rıza Zəbib bənə İroni prezdenti xususi nımoyəndə Bo İnkişofiro Moliyyə kardey sahədə Beynəlxalğə Konfransədə Məsud Pezeşkiyani mesajış handə.İron İslom Respublikə prezdenti bın mesajədə çe seonist və Amerka rejimon təcavuzi cəhəton bəyon kardə holədə,İroni inkişofi moliyyə kardey dayir nəzəon və bın nəzəku bə beynəlxalğə moliyyə sistemi transformasiya zəruriyyəti təkidış kardə.
Seşambə ruji bə konfransi iclosonku qıləyni sədrəti kardə İroni səfir çe Pezeşkiyani mesajədə seonist və Amerkə rejimon təcavuzi baxşi handə zəmonədə,bın təcavuzədə şəhid bıə çandə da qılə hırdənon foto və şikilon nışon doə holədə təkidış kardə ki,bə 6 həzosə veyə mulki şəxsi şəhid bey və zəxmin bey səbəb bıə ın təcavuz,çe İMT nizomnomə iyən Nuvə Silohon Pevolonıbey Mığovilə və beynəlxalğə huğuğon əsosə prinsipon oşkoə formədə darışteye.
İroni prezdent bın mesajədə veytərəfinəti fundamental əhəmiyyəti bə yod dənoə holədə,AİŞ rejimi sanksiyaonku qətə tosə hərbi təcavuzi bıə itərəfinə məcburi tədbiron hiç qıləy kişfəri məhrum nıkardey bənə insoni həxon məsələ bıə xalğon inkişofi həxı real kardey maneyə hisob kardedə.
Məsud Pezeşkiyan həmçinin bə inkişof kardə holədə bıə kişfəron tətbiğ kardə bıə ixtisodi,ticorət və moliyyə nobərobərəti istinodən,Beynəlxalğə Valyuta Fondədə inkişof kardə holədə bıə kişfəon navşemoni çok kardeyro mıvofiğə prosedurəon islohotış vanq jeyə.
Oxoyədə İron İslom Respublika prezdent ıştə umudəvo beyış bəyon kardə ki,Bo İnkişofiro Moliyyə kardey sahədə Çominə Beynəlxalğə Konfrans çe inkişof kardə holədə bıə kişfəron muvafiğə problemon adekvatə şikilədə həll bəkarde və çəy ğətnoməon bın istiğomətədə bə əməli qəmon şodey səbəb bəbe.
