İron və Ermənistoni miyono konsuliyə həmkarion təvafuğnomə imzo be.

İron və Ermənistoni miyono konsuliyə təvafuğnomə imzo be.

İrəvanədə İron və Ermənistoni konsuli mıştərəkə kamissiya 11 minə iclosi oxyədə İroni xarıci vəzarətxanə konsuliyə mudir Əli Çeqini ijən Ermənistoni xarıci vəzarətxanə konsuliyə mudir Karmir Şaliyan qıləy həmkari sənədi imzoşon kardə.

Im 2 rujiyə muzakirəonədə ki Ermənistonədə bıə İroni səfir Kazem Səccadi həm huzurış be.

2 qılə kişvəri heyəton İron və Ermənistoni miyono konsuliyə rabitəon miğdori çok hisobışon kardə və bo məhbuson, unnversiti tələbəon, torizm və huğuği iyən məhkəmə həmkarionro çok və ziyod karde xoto bə muzakirə və tojə rabitəon təkidışon kardə.

Im dıvrə votımonədə İron və Ermənistoni miyono iğtisodi həmkarion ziyod karde roon barədə məxsusən torizm, ticarət və sərmoyə noe xoto həm çand dıvrə sohbət be.

İron və Ermənistoni rəsmion muzakirəonku vey xoşhal bən və ım mıvzoşon bo həmkarion muxtəlifə sahəonədə ziyod karde qornə mısbət hisobışon karə ijən 2qılə kişvəri miyono viza rejimi peqəte barədə bə tojə ticarət həmkarion omidvar mandən.

Dəvardə sori Yanvariku İron və Ermənistoni miyono viza rejim ləğv bıə, ım ğərol ısət bo torizm və ticarət sahədə çandə mısbət və foydəyinə əsəronış bıə.