Ğərəboğədə internet ğət be

Azərbaycan Respublika işğali jintonədə bıə Laçin məntəğədə Elektrik iyən interneti ğət bey ın məntəğə sakinon de xaric rabitəonədə muşkil icod karde bois bıə.

Bə Armen pres aqentiyəti raporti əsos, Ğərəboğədə interneti xidməton hozzı əkə şirkəton nəğli ki Azərbaycan Respublika işğali jintonədə bıə Laçin karidori qırd elektrik iyən internet kablon çı Azəri hərbiçion tərəfo ğət bıə.

Xəbəon jığo hikayət kardedə ki Azərbaycan Respublika bə hiç kəs həminə kablon təmir karde icozə dodə ni.

4 haftəku vey bəbe ki Azərbaycan Respublika de pesoxtə bıə bəhonəon Laçin nomo bıə karidori işğalış kardedə və bə Ğərəboğ sakinon icozə ni bədoy ki bəştə iminnə dərəcədə bıə ehtiyacon dast peydo kon.

Ğərəboğədə məağazaon, nun patə vırəon, dəvo-damon mərkəzon iyən vojoron teyli bıə iyən 120 həzo nəfər cəmiyət əcumlə 9 həzo iflic, 20 həzo piyə mırd iyən jen ijən 3 həzo hırdəni jimon şəroyetə dəhşətin surəti dəvoniye bıdə.