Ğərəboğ məntəğə insonə həxon mudafiyə əkə: Azərbaycan Respublika hukumət cinoyətkore

Artsax məntəğə insonə həxon mudafiyə kardə kəs Boku hukuməti qıləy cinoyətkorə hukumət bə hisobış varde.

Bə Erməni rədio raporti əsos, Quğam Stepaniyan tojədən votışe: Erməniyon bə dınyo elan kardən ki Boku hukumət həxış ni ki jığo de muhasirə və nırəse siyosəti 120 həzo nəfər Ermənion i minnə həx-huğuği poymol bıko.

Erməniston Tojədən Hağğə məhkəmədə boku hukuməti məhkumış karde ki de ğəsdi Ğərəboğədə etnik qurupon qenosid iyən nəsli pok karde siyasəti icra karde holədəy.

Boku dıvlət vey cəhdış kardə ki Laçin karidori dəbastey illət bə ekoloqiya fəalon eterazi xoto elan bıko əmmo bə aqahə mənbəon elani əsos məvuji həminə pesoxtə bıə eterazon de Britaniya qıləy şirkəti təhrikon dəvom kardeydə ta Ğəroboğədə bıə mıs iyən tıle məədənonku istihsoli emtiyazi soyb bıbu.

4 haftəku vey bəbe ki Azərbaycan Respublika de pesoxtə bıə bəhonəon Laçin nomo bıə karidori işğalış kardedə və bə Ğərəboğ sakinon icozə ni bədoy ki bəştə iminnə dərəcədə bıə ehtiyacon dast peydo kon.

Ğərəboğədə məağazaon, nun patə vırəon, dəvo-damon mərkəzon iyən vojoron teyli bıə iyən 120 həzo nəfər cəmiyət əcumlə 9 həzo iflic, 20 həzo piyə mırd iyən jen ijən 3 həzo hırdəni jimon şəroyetə dəhşətin surəti dəvoniye bıdə.