NATO, Asiya-Okeaniyə əmniyyəti təhdidəkəy
Çinədə Rusiyə səfir voteydə: NATO uzv bıə kişvəron niyyətış heste ki Asiya-Okeaniyədə deştə iştiroki əlovə bey vositə ım məntəğə stabiləti strukturon zəif kon.
İqor Morqolof, de Çini mərkəzi televeziya mısohibədə təsdiğış karde: dəvardə sorədə şimoli Atlantiki mığuvilə təşkilot "NATO" elanış karde: ısət həmmə dınyo bə ım təşkiloti məsuliyəti vırə məntəğə əvəz bıə və ım qlobal əmniyyəti strukturon zəif beyro cəhdon əncom bey mənodəy.
Rusiyə həminə diplomatiya ijən əlovəş karde: Bloka strukturon bənə AUKUS ki Asiya-Okeaniyə məntəğədə Amerkə, İnqilis və Avstraliya miyono 3tərəfiyə həmkoəti oşko bıən. İqor Morqolof ijən təsdiğış karde: ım qrup Avstraliyaro atomiyə hərbi kəşti hədəfi icod bıə əmmo çəy oxonə hədəf məntəğədə NATOro qıləy vırə icod kardeye.
Əv ijən əlovəş karde: çəmə təcrubə nışoş do ki NATO iştiroki bəməro hiç xəyış ni, ım qrup qıləy mudafiə bloka ni bəlkəm qıləy hərbi blokae ki fəğət Asiya-Okeaniyə məntəğə sulh və stabiləti zəifəti cəhəto ko kardedə.
Dəvardə manqədə həm NATO sərkatib, Yens Stoltenberq de Asiya şərğ kişvəron deşət rabitə zumand kardey və bə Çini ələyh həmkoətion hevujəti hədəf bə Yapuniya və cənubi Koreya səfərış kardə be.əv həminə səfəri cərəyonədə de Çini hərbi fəaliyəton və qlobal təhdidon muğabilə kardeyro NATO və Cənubi Koreya əmniyyəti həmkoəti tələbış kardə be.
