Rusiya və Ukrayna İstanbuli didor
May 16-də İstanbulədə Rusiya və Ukrayna miyonədə didori səş qətə.
Im, dı tərəfi miyonədə mıharibə bino bə peş, yəni 2022-minə soriku iminə didore.Didorədə AİŞ-on devlət kotib Marko Rubio, Trampi xususi nımayəndə Kit Kelloq və AİŞ-on Tırkiyədə səfir Tomas Barak iştirok kardəşone.Ukrayna tərəfo didorədə Prezident Adminstrasiya rəhbər Andriy Yermak, Xarici Koon Vəzir Andriy Sibiqa, mıdafiə vəzir Rustem Umerov və Prezident Adminstrasiya rəhbəri mışavir Aleksandr Bevz təmsil bən.Rusiya nımayəndə heyətədə Prezidenti koməkəkə Vladimir Medinski, Xarici Koon Vəziri mıavin Mixail Qaluzin, mıdafiə vəziri mıavin Aleksey Fomin və Rusiya Silohinə Ğıvvon Sər Ğərorgo Sər İdorə rəhbər İqor Kostyukov bən.Tırkiyə tərəfo bə mulağaton Milli Kəşfiyyat Xıdməti rəhbər İbrahim Kalın və Xarici Koon Vəzir Hakan Fidan umjən qıniyən. Rusiyə tərəf ın mulağaton se sor bə nav hojo İstambulədə şə qəpon dəvom hisob kardə və həmonə heyətşən bə didor vığandə.Dı saat dəvom kardə qəpon bədiqə bəyon kardə bə ki, tərəfon otəşvəsi barədə bə roziəti ome zınə nin.Rəsmi şəkilədə bə roziəti omə yekğanə məsələ 1000 hərbi əsiri de iyəndı təğyir kardə be votə bedə.Rusiya tərəfi didoronku məmnun mande və vəy oməyonədə bə mulağaton hozzo be bəyon kardəşe.Rusiya nımayəndə heyəti rəhbər Vladimir Medinski har dı kaşvəri lideron miyonədə didori onoe mızakirə karde hozzo be ğeyd kardəşe.Ukrayna didori benəticə mande və Rusiya tərəfo noə şərton “ğəbul kardənin nıbe” bəyon kardəşe. Rusiya tərəf de qətə ərazion oğəte şərti bə sulh qəpon roziəti doəş be.De sulh qəpon band təşəbbus may 11-də Rusiya Prezidenti Vladimir Putini tərəfo bə nav doə bə be.
