İtaliyaədə bə Həkim Nizami ehtirom noe mərosim
De martə manqi 12, İronıjə şair Həkim Nizami ruji həmzəman, xəbə omə ki İtaliyaədə və de İroni səfarətxonə həmkarəti qıləy mədəni iclos bərpo be.
Bə İrna raporti əsos, həminə iclosədə çı Diruz(Zinə) mədəni mərkəzi yol, İtaliya Veniz universeti ustadon, və çandə İron və İtaliyaku mədəni fəalon iyən bə İroni şer və ədəbiyoti aşiğ bıə kəson iştirokışon be.
Parsi ədəbiyoti yolə şairon iyən ustadonku qələyni,Cəmaluddin Əbu Muhəmməd Elyasi, Hicri Ğəməri 6 minnə əsrədə bıə şair və dastan votə kəs yəni Nizomi çı İroni milli şəxsiyəti memorətiədə vey muhimmə təsirış be.
Qıləy şair de mislış nıbıə asron ki Farsi ədəbiyotədə tojə şivə iyən metodi icodış kardə.
Əsəroni ki çəvon vey erjin iyən muhimmə qılə Xəmsə ya 5 qənc heste.
Nezami, illustrasiya iyən kompozisiyaədə ustad be, anədə ki əqə Sədi, Hafiz, Molana iyən Ferdosi bənə farsi zıvoni 4(ço) qılə yolə şairi hisob kəmon, hukmən Nizami 5(penc) minnə qıləy.
