Nəhcul-Bəlağə pand iyən hikməton
Nəhcul-Bəlağə pand iyən hikməton
Əmirəl-Muminin Həzrət İmom Əli(ə) Nəhcul-Bəloğə 150-ə hikmətədə jıqo hamyedə:”yəhkumu əla ğəyrihi linəfsihi,vəla yəhkumu ələyha liğəyrih:”(çə kəsonku məbi ki,)hejo bəştə nəf iyən xəyri və bə cokəson ziyoni hukm kardedən.(harçand nodırıst həm bıbo) və bo cokəson xəyriro bəştə ziyoni hukm kardedənin.(harçand dırıst həm bıbo)”.
Qıləy rostəvojə mumini nışonə ıme ki,çe həxı tərəfdor bıbo,harçand ın həx bəçəy ziyoni həm bıbo.muminə inson botıli vo doydə,harçand bəçəy ziyoni həm bıbo..Məcidə-Ğıron həm Nisa mıborəkə surə 135-ə şərifə ayədə jıqo hamyedə:”Ya əyyuhəlləzinə...Ha imon vardə kəson ha!həmişə və hejo bo ədoləti bərpo kardero ğıyom bıkənən.bo Xıdo xoto şoydəti bıkənən,harçand bəşmə ya bəşmə pı-mo ya bəşmə nezə odəmon zərəli həm bıbu”.
Həzrət İmom Sadığ(ə) hamyedə:”Har qıləy mumini bəsə coqlə mumini qərdənisə haft qılə həxış heste ki,çəvon həmməysə sodə qıləyni:”Ən tuhibbu ləhu...boştə piyə çiyon bo cokəson həm bıpyi və boştə pəsənd nıkardə çiyon bo cokəson həm pəsənd məkə.
Peşo Əmirəl-Muminin Həzrət İmom Əli(ə) çe 150-ə hikməti dəvomədə jıqo hamyedə:”Yurşidu ğəyrəhu...:”(çə kəsonku məbi ki,)cokəson hidoyət kardedə iyən ıştən ro qim kardedə və nəticədə mərdum bəy tabe beydən,əmmo ıştən məsiyət və qıno kardedə”.
Jıqo fərdon bənə boğəvoniye ki,cokəson çəy kaştə do miyvəonku və ləl-qılonku bəhrə bardedən,əmmo əv çe vəşyanətiku con doydə.çe cəhəndımi əhli peşmonəti,nədomət iyən həsrəti həmməysə şiddətin iyən yavə an və ləzon,həmonə ane ki,fik bəkarde əv,ikəsış bə rostə səmt vanqış jeyə və əy həm çəy dəvətış ğəbul kardə və bın holədə əv,bə vəhışti daxil bəbe.və holın ki,çəy ıştən bəştə əməli tərk kardey iyən bəştə həvaye-nəfsi itoət kardey və pemandey və bəştə diyəro iyən dırozə oruzon kardey xoto,bəpe ıştə qıno otəşi dılədə bısuto......
