Tırkiyə-Qorceston mıdofiə icoəti
Qorceston çe Ğərbi kali əmniyyətə strukturonədə bıboən, oxonə fəxton çəvon de avropa mınosibətonədə bə miyon beşə krizis bə Qorceston hokuməti ziyodə dastək noxton peydo karde məcbur kardedə.
Qorcestoni Mıdofiə Vəzir Levan Çikovani de Tırkiyə səfir Mustafa Turker və hərbi attaşe İlham Oktendurali vindemonış kardə və holiədə mıdofiə sahədə dıtərəfinə həmkoəti perspektivon mızokirə kardəşone . De NATO sərdor Mark Ryutte bəyon kardey, de Avropa əlağon sardon karde bə Qorcestoni əmniyyətətiən təsir karde bəzne.Joğo bə holədə bo Qorcestoni de şimoli atlantik alyansi mıttəfığəti və hərbi həmkoəti oğəte ri Tırkiyə optimal variante.In model Tırkiyə Azərboyconədə çe testo dəvonəşe. Tırkiyə bəvədə bo Azərboyconi hərbi sahədə bə vocib mıttəfiğ peqardə be. Çandi çand sorone ki, Tırkiyə, Qorceston və Azərboycon bə ico hərbi təlimon və mıdofiə lohiyon bə jimon dəvone ın senari real be ehtimoli ziyod kardedə.
