Putin: həmmə beynəlxalğə rabitəon sistem vırto vılo bey holədəy
Pars Tudey- Rusiyə prezdent votışe: bə çand ğutbış bıə dınyo muğaviməti vədə, ğərbi kişvəron cəhdon xoto və bənə zalımonə koon və şantaj kardey metodonku istifodə kardey xoto, həmmə beynəlxalğə rabitəon sistem vırto vılo bey holədəy.
Bə Pars Tudey raporti əsos ki İrnaku nəğlış karde şənbə rujədə Hindostoni paytəxt Nuyə Dehliədə BRİKS-i qrupi uzv bıə kişvəron yolon 18 minnə iclosədə Rusiyə prezdent Veladimir Putin de işorə bə beynəlxalğə təhəvvulaton votışe: bə nəzə rəseydə, çand ğutbış bıə dınyo icod kardey vey hoston ni, bəlkəm çəy bə vırə rosniye de həmonə kəson muğaviməti dim bə dim beydə ki adətən de mıstəmləkəçi metodon fik kardedən və jığo təsəvvur kardedən ki dınyo bə qıləy ozavziyə boğ və qıləy vəhşiyə vişə pəxş beydə və de co kəson xarc jimon kardedən.Əv ijən təsdiğış karde: ım şəxson əvəz bıə holədə həğiğəti ğəbul kardedə nin və cəhd kardedən ta de har qıləy roy vositə bə inkişof rəsə rəğibon məhor bıkon.
